Hörður Helgi heiti ég en flestir kalla mig Hödda. Ég er 27 ára gamall fæddur og uppalinn á paradísareyju sem ber nafnið Heimaey. Já ég er eyjapeyji sem villtist í borg óttans! Allt frá því að ég man eftir mér ætlaði ég mér að verða kokkur og starfaði lengi við það en eftir örlaga-ríkt sumar 2014 brann ég yfir og neistinn fyrir matargerð hvarf. Ég vissi ekkert hvað ég átti að gera, allt í einu var draumurinn horfinn sem ég hafði haft frá barnæsku. Ég prófaði ýmis nám en ekkert hentaði mér og fór ég því á hinn almenna vinnumarkað þar starfaði ég við allt frá sjómennsku yfir í að vera rekstrarstjóri á litlum hverfisbar og hverfisbúð.

Seint á árinu 2018, eftir gott spjall við bróðir minn, ákvað ég að prófa eitt nám til viðbótar og sjá hvort ég myndi finna mig í því og varð grafísk miðlun fyrir valinu. En hann hafði sjálfur nýlega útskrifast úr því námi 2017 og hafði ekkert nema gott um það að segja. Ég hóf svo nám í janúar 2019 og sá strax að þarna var eitthvað sem ég hefði svo sannarlega gaman að. Ég lærði í grunninn vefsíðukóðun, mynd-vinnslu, umbrot og hönnun. Ég hugsaði með mér að núna væri ég loksins á réttri braut og viti menn það er korter í útskrift! Leiðin að útskriftinni hefur samt ekki verið auðveld og hafa margar hindranir staðið í vegi mínum en með erfiðis-vinnu og miklum fórnum er þetta að detta í hús.